Ius est ars boni et aeqvi

Hüquq - yaxşı iş və ədalət incəsənətidir

In favorem libertatis omnia jura clamant; sed est modus in rebus

В пользу свободы вопиет всякое право, но всему есть мера
 
Ədliyyə Nazirliyində görüş

Ölkəmizdə səfərdə olan Bolqarıstanın Prokurorluğunun rəhbər şəxsləri ilə mayın 23-də ədliyyə nazirinin müavini Azər Cəfərovun görüşü olub.

Görüşdə Azərbaycan və Bolqarıstan arasında dostluq və əməkdaşlıq münasibətlərinin, hüquqi sahədə əlaqələrin inkişafı vurğulanaraq, ölkələrimizin hüquq-mühafizə, o cümlədən ədliyyə orqanlarının səmərəli qarşılıqlı fəaliyyəti qeyd olunub, hər iki dövlətdə məhkəmə-hüquq sistemində aparılan islahatlar barədə faydalı fikir mübadiləsi aparılıb.

Nazir müavini ölkə Prezidenti cənab İlham Əliyevin rəhbərliyi ilə aparılan məhkəmə-hüquq islahatları, o cümlədən qanunvericiliyin təkmilləşdirilməsi, Məhkəmə-Hüquq Şurasının fəaliyyəti, hakimlərin və məhkəmələrin  müstəqilliyinin möhkəmləndirilməsi baxımından Şuranın səlahiyyətlərinin mütəmadi genişləndirilməsi barədə məlumat verib. A.Cəfərov hakimlərin ən şəffaf seçimi və tədrisindən bəhs edərək, bu sahədə nüfuzlu beynəlxalq təşkilatlarla, xüsusilə Avropa Şurasının Ədalət Mühakiməsinin Səmərəliliyi üzrə Komissiyası (CEPEJ), Almaniya Beynəlxalq Əməkdaşlıq Cəmiyyəti (GİZ) ilə əməkdaşlığı vurğulayıb.

Ölkəmizin məhkəmə-hüquq sahəsindəki nailiyyətlərini maraqla qarşılayan qonaqlar Bolqarıstanın hüquq və məhkəmə sistemi haqqında danışaraq bu sahədə islahatların aparıldığını, bütövlükdə məhkəmə sisteminin, habelə cinayət, cinayət-prosessual qanunvericiliyinin təkmilləşdirilməsini, Ali Məhkəmə Şurasının fəaliyyətini qeyd ediblər. Həmçinin, daha sıx əməkdaşlıq edilə bilən sahələr barədə söhbət aparıb, təcrübə mübadiləsinin əhəmiyyətini vurğulayıblar.

Görüşdə qarşılıqlı fəaliyyətin perspektivləri, o cümlədən hakim assosiasiyalarının rolu, mediasiya institutunun tətbiqi və digər maraq doğuran məsələlər müzakirə olunub, qonaqların suallarına aydınlıq gətirilib.

Tədbirdə Baş prokurorun müavini, Korrupsiyaya qarşı mübarizə baş idarəsinin rəisi Kamran Əliyev iştirak edib.

Qonaqlar nazirlikdə Ədliyyə tarixi muzeyi ilə tanış olublar.

23/05/2017


























Ədliyyə orqanlarına qulluğa qəbulla bağlı növbəti açıq müsabiqə elan edilir


Ədliyyə orqanlarına qulluğa qəbulla bağlı test imtahanı və söhbət mərhələsində sualların hazırlanmasında istifadə olunan normativ hüquqi aktlar
(təkmilləşdirilmişdir)


Ədliyyə Nazirliyinin tibb xidmətinə qulluğa qəbulla bağlı müsabiqə davam edir


Qeyri-hökumət təşkilatlarının nəzərinə

Copyright © Ədliyyə Nazirliyi
All Rights Reserved 2003-2017
designed by: M.O.J.
| |