Doğum qeydiyyatı
0
“Sual-cavab” bölməsində yerləşdirilməsi üçün tərtib olunmuş sualların
S İ Y A H I S I
1) Sual: Bələdiyyə büdcəsindən pul vəsaiti hansı qaydada ayrılır?
Cavab: Bələdiyyə büdcəsindən pul vəsaiti yalnız bələdiyyə iclasının qərarı ilə
ayrılır və bu qərarda həmin vəsaitin təyinatı, məqsədi və dəqiq miqdarı
göstərilməlidir.
2) Sual: Bələdiyyə iclası hansı halda səlahiyyətlidir?
Cavab: Bələdiyyənin iclası bələdiyyə üzvlərinin yarıdan çoxu iştirak etdikdə
səlahiyyətlidir.
3) Sual: Hüquqi və fiziki şəxslər yerli vergilər və ödənişlərlə bağlı borcları
barədə məlumatları necə əldə əldə edə bilərlər?
Cavab: Bələdiyyələr hüquqi və fiziki şəxslərin yerli vergilər və ödənişlərlə bağlı
borcları barədə onların yazılı müraciəti əsasında, 1 iş günü
müddətində arayış verirlər.
4) Sual: Bələdiyyə mülkiyyətinə aid torpaq sahələrindən kimlərə pulsuz
torpaq sahəsi verilir?
Cavab: Azərbaycan Respublikasının ərazi bütövlüyü uğrunda aparılan
döyüşlərdə iştirakla əlaqədar əlilliyi müəyyən edilmiş şəxslərə və həlak
olanların ailəsinə, ehtiyata və ya istefaya buraxılmış hərbi qulluqçulara
fərdi yaşayış evinin tikintisi üçün torpaq sahələri onların mülkiyyətinə bir
dəfə pulsuz verilir.
5) Sual: Bələdiyyə torpaqlarının icarəyə ayrılması qaydası necədir?
Cavab: Bələdiyyə torpaqları üzərində icarə hüquqları yalnız açıq torpaq
hərracları və ya müsabiqələri vasitəsilə əldə edilə bilər.
6) Sual: Bələdiyyələr öz fəaliyyətini hansı qaydada həyata keçirirlər?
Cavab: Bələdiyyə öz fəaliyyətini iclaslar, daimi və başqa komissiyalar vasitəsi ilə
həyata keçirir. Bələdiyyənin iclasları ayda bir dəfədən az olmayaraq
bələdiyyənin sədri tərəfindən çağırılır. Bələdiyyənin icra orqanı onun icra
aparatıdır. Bələdiyyənin icra aparatının fəaliyyətinə bələdiyyənin sədri
rəhbərlik edir
7) Sual: Satışa çıxarılan torpaq sahələrinin qiyməti necə müəyyən edilir?
Cavab: Bələdiyyə mülkiyyətində olan torpaq sahələri fərdi yaşayış evinin tikintisi
üçün bilavasitə satıldıqda qiymətlər hərraca və ya müsabiqəyə çıxarılan
bələdiyyə mülkiyyətində olan torpaqların ilkin qiyməti torpağın normativ qiymətindən az olmamaq şərtilə bazar qiyməti nəzərə alınmaqla bələdiyyələr tərəfindən müəyyən edilir. Torpağın qiyməti son torpaq hərracı və ya müsabiqəsi vasitəsilə satılan torpağın qiymətindən az ola bilməz.
8) Sual: Qanunvericilikdə müəyyən edilmiş qaydada yerli vergilərin və
ödənişlərin düzgün hesablanmasına, tam və vaxtında
ödənilməsinə nəzarət kim tərəfindən həyata keçirilir?
Cavab: Yerli vergilər və ödənişlər ilə bağlı qərarlar bələdiyyə üzvlərinin üçdə iki səs
çoxluğu ilə qəbul edilir.Qanunvericiliklə müəyyən olunmuş qaydada
vergilərin və ödənişlərin düzgün hesablanmasına, tam və vaxtında
ödənilməsinə nəzarət bələdiyyələrin vergi xidməti orqanları tərəfindən
həyata keçirilir.
9) Sual: Bələdiyyə sədrinin seçilməsi qanunla necə tənzimlənir?
Cavab: Bələdiyyənin sədri yeni seçilmiş bələdiyyənin birinci iclasında
bələdiyyə üzvləri sırasından açıq və ya gizli səsvermə yolu ilə seçilir.
Bələdiyyə sədri bələdiyyə üzvlərinin yarısından çoxunun səsini
topladıqda seçilmiş hesab olunur.
10) Sual: Yerli əhali yerli büdcənin layihəsi ilə nə vaxt tanış etdirilir?
Cavab: Yerli büdcənin layihəsi bələdiyyə iclasına təqdim edildiyi tarixdən
10 gün ərzində yerli əhalinin onunla tanış olması məqsədi ilə dərc
edilir.
