Doğum qeydiyyatı
22-11-2007 | 04:02 1054
Noyabrın 22-si ədliyyə işçilərinin peşə bayramı günü ölkəmizdə geniş şəkildə qeyd edilir. Həmin gün ədliyyə işçiləri Fəxri Xiyabanda müasir Azərbaycan dövlətinin qurucusu və memarı Heydər Əliyevin abidəsini ziyarət edərək, ulu öndərimizə əbədi ehtiramlarını bildirmiş, həmçinin akademik Zərifə Əliyevanın məzarı önünə gül dəstəsi qoymuş, Şəhidlər Xiyabanında xalqımızın azadlığı və ölkəmizin ərazi bütövlüyü uğrunda canlarından keçmiş övladlarımızın əziz xatirələrini yad etmişlər. Sonra ədliyyə işçiləri əbədiyaşar liderimizin Ədliyyə Nazirliyinin binasındakı büstünün önünə əklil qoymuşlar.
Nazir müavini, II dərəcəli Dövlət ədliyyə müşaviri Toğrul Musayev peşə bayramı münasibətilə keçirilmiş təntənəli yığıncağı açaraq, ölkəmizin Prezidenti cənab İlham Əliyev tərəfindən ədliyyə orqanlarının müasirləşdirilməsi və inkişafına dair qəbul olunmuş qərarların icrası üzrə
Ədliyyə Nazirliyinin dövlətin hüquq siyasətini həyata keçirən orqanlardan birinə çevrildiyini vurğulayan nazir müavini, insan hüquqlarının etibarlı müdafiəsində ədliyyənin rolunu, nazirliyin fəaliyyətinə ictimai nəzarətin səmərəliliyinin artmasını, ədliyyənin fəaliyyətinə dair zəruri şəraitin yaradılması üçün əməli işlər görüldüyünü qeyd etmiş, əhaliyə göstərilən hüquqi xidmətin yaxşılaşdırılması, regional ədliyyə şöbələrinin yaradılması, peşəkar kadr korpusunun təkmilləşdirilməsi, Ədliyyə Akademiyasının formalaşdırılması üzrə həyata keçirilən tədbirlər barədə məlumat vermişdir. Nazir müavini ədliyyə fəaliyyətinin bütün istiqamətləri üzrə işlərin təkmilləşdirilməsi prosesinin bu gün də davam etdirildiyini və mövcud problemlərin həlli üzrə zəruri işlər görüldüyünü bildirmişdir.
Tədbirdə ölkəmizin dövlət orqanlarından, habelə diplomatik nümayəndəliklərdən, yerli və beynəlxalq təşkilatlardan peşə bayramı münasibətilə göndərilmiş təbrik məktubları səsləndirilmişdir.
Bayram tədbirində fəaliyyətində fərqlənmiş böyük bir qrup ədliyyə işçilərinə xüsusi rütbələr, qiymətli hədiyyələr, fəxri fərmanlar və digər mükafatlar təntənəli şəkildə təqdim olunmuşdur.
Tədbirdə çıxış edən ədliyyə işçiləri, gənc mütəxəssislər öz fəaliyyətlərini ölkə Prezidentinin yüksək tələbləri səviyyəsində quraraq, ölkəmizin hərtərəfli tərəqqisində dövlət başçısına yardımçı olmaq üçün əllərindən gələni əsirgəməyəcəklərini bildirmişlər.
