Doğum qeydiyyatı
15-09-2023 | 16:15 159
Kotirovka sorğusu prosedurunun iştirakçılarına təklif edilir ki, dövlət satınalmalarının (www.etender.gov.az) vahid internet portalına elektron qaydada daxil olsunlar və satınalma proseduru haqqında ətraflı məlumat əldə etsinlər. Müqaviləni yerinə yetirmək üçün kotirovka sorğusu iştirakçıları lazımı maliyyə və texniki imkanlara malik olmalıdırlar.
Kotirovka sorğusu proseduru Qanunun tələblərinə uyğun olaraq yalnız mikro, kiçik və orta sahibkarlıq subyektlərinin iştirakı ilə, kotirovka sorğusu üsulu tətbiq etməklə elektron satınalma vasitəsilə keçirilir.
Kotirovka sorğusunda iştirak etmək istəyən təşkilatlar müəyyən edilən məbləğdə iştirak haqqını aşağıda göstərilən hesaba “ASAN Ödəniş” sistemi vasitəsi ilə köçürdükdən sonra Azərbaycan dilində tərtib olunmuş əsas şərtlər toplusunu elektron qaydada adı çəkilən kotirovka sorğusu bölməsində əldə edə bilərlər.
Əlaqələndirici şəxs: Mənsumə Hüseynova, telefon: 012 537-11-52
İştirak haqqı: - 100 manat.
İştirak haqqı heç bir halda geri qaytarılmır.
İddiaçılar Kotirovka sorğusunda iştirak üçün aşаğıdakı təşkilati və hüquqi sənədləri (rəsmi blanklarda, möhürlə təsdiq edilmiş qaydada) Portal vasitəsilə təqdim etməlidirlər:
- kotirovkada iştirak haqqının ödənilməsi barədə bank sənədi;
- İddiaçının tam adı hüquqi statusu, nizamnaməsi qeydiyyatdan keçdiyi ölkə və bank rekvizitləri (notarial qaydada təsdiq olunmuş);
- kotirovka təklifi (zərflərinin açıldığı tarixdən sonra ən azı 30 bank günü qüvvədə olmalıdır);
- Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklərinin , habelə son bir il ərzində (fəaliyyətini dayandırdığı müddət nəzərə alınmadan) vergiödəyicisinin Azərbaycan Respublikasının Vergi Məcəlləsi ilə müəyyən edilmiş vəzifələrinin yerinə yetirilməməsi hallarının mövcud olmaması haqqında müvafiq vergi orqanından arayış;
- satınalma prosedurlarının başlanmasından əvvəlki 5 il ərzində özlərinin, habelə işlərini idarə edənlərin, qulluqçularının peşəkar fəaliyyətləri, yaxud satınalma müqaviləsinin bağlanması üçün ixtisas göstəricilərini yanlış göstərmələri ilə əlaqədar cinayətə görə məhkum olunmaması, yaxud onların müvafiq peşə fəaliyyətləri ilə məşğul olmasının məhkəmə qaydasında qadağan edilməməsi barədə rəsmi arayış;
- İddiaçının son bir ildəki fəaliyyəti haqqında vergi orqanları tərəfindən təsdiq olunmuş maliyyə hesabatının surəti;
- İddiaçının son bir ildəki maliyyə vəziyyəti (dövriyyəsi) haqqında bank arayışı;
- Iddiaçının mikro, kiçik və ya orta sahibkarlıq subyekti olmaları barədə müvafiq arayış;
- Vergilər Nazirliyi tərəfindən iddiaçının işçilərinin sayını, əmlakını, maliyyə vəziyyətini təsdiq edən rəsmi arayış;
- müflis elan olunmaması, əmlakı üzərinə həbs qoyulmaması, ödənişə yönəlmiş girovun olmaması, məhkəmənin qərarı ilə kommersiya fəaliyyəti dayandırılmış şəxs olmaması barədə rəsmi arayış;
- iddiaçının analoji işlərdə təcrübəsi, potensial texniki və kadr imkanları haqqında rəsmi məlumatı;
- görüləcək işlərinin həyata keçirilməsi üçün verilmiş xüsusi razılıq (lisenziya).
Sənədlər Azərbaycan dilində tərtib olunmalıdır (xarici dildəki kotirovka təklifi Azərbaycan dilinə tərcümə edilməlidir). İddiaçılar kotirovka sorğusu ilə bağlı sualları Portal vasitəsilə satınalan təşkilata ünvanlaya bilərlər. Kotirovka proseduru “Dövlət satınalmaları haqqında” Azərbaycan Respublikasının Qanununa uyğun keçiriləcəkdir.
İddiaçılar kotirovka sorğusunda iştirak etmək üçün tələb olunan təşkilati- hüquqi sənədləri və kotirovka təklifini 28.09.2023-cü il saat 18.00-a qədər portal vasitəsilə təqdim etməlidirlər. İddiaçıların təklifləri 29.09.2023-cü il saat 11.00-da elektron Portal vasitəsilə açılacaqdır.
İddiaçılar müsabiqənin nəticələri ilə portal vasitəsilə tanış ola bilərlər.
Qeyd: kotirovkada iştirak, kotirovka təkliflərinin qiymətləndirilməsi və digər bütün prosedurlar yalnız elektron qaydada PORTAL vasitəsilə aparılır.
Ədliyyə Nazirliyinin Tender Komissiyası
