Doğum qeydiyyatı
21-01-2014 | 04:02 1142
Yanvarın 21-də ədliyyə naziri, Məhkəmə-Hüquq Şurasının sədri Fikrət Məmmədov Avropa Şurası Parlament Assambleyası Monitorinq Komitəsinin Azərbaycan üzrə həmməruzəçiləri Pedro Aqramunt de Mora və Jozef Debono Qrex ilə görüşmüşdür.
Ölkəmizin dinamik iqtisadi tərəqqisini qeyd edən qonaqlar ötən il Azərbaycanın tarixində ən demokratik və şəffaf şəraitdə seçkilərin keçirilməsindən məmnunluğunu ifadə etmiş, dövlətimizin insan hüquqlarının daha etibarlı qorunması istiqamətində atdığı addımları təqdir etmiş, qarşılıqlı fəaliyyətin davam etdirilməsinə hazır olduqlarını söyləmişlər.
Azərbaycan və Avropa Şurası arasında səmərəli əməkdaşlığın qeyd olunduğu görüşdə qanunvericiliyin təkmilləşdirilməsi, təqsirləndirilən şəxslərin və məhkumların hüquqlarının qorunması, vətəndaş cəmiyyətinin inkişafı və digər maraq kəsb edən məsələlər ətrafında faydalı fikir mübadiləsi aparılmışdır.
