Doğum qeydiyyatı
0
25-01-2007 | 04:02 1018
Yanvarın 24-də ədliyyə orqanlarına işə qəbul üzrə Müsabiqə Komissiyasının növbəti iclası keçirilmişdir.
Azərbaycan Respublikasının Prezidenti yanında Dövlət Qulluğu Məsələləri üzrə Komissiyanın məsul nümayəndəsinin iştirak etdiyi iclasda test imtahanında müvəffəqiyyət qazanmış 129 namizədlə söhbətin keçirilməsinə dair məsələlər ətraflı müzakirə edilmişdir.
İclasda müsabiqədə iştirak edən namizədlərlə Komissiya tərəfindən fərdi qaydada söhbət keçirilməsinə fevral ayının əvvəllərindən başlanılması qərara alınmışdır.
Qulluğa qəbul qaydalarına müvafiq olaraq Ədliyyə Nazirliyinin inzibati binasında (Bakı şəhəri, İnşaatçılar prospekti 1) keçiriləcək söhbətə dəvət edilən hər bir namizədə söhbətin tarixi və vaxtı barədə əvvəlcədən məlumat veriləcəkdir.
