Azərbaycan Respublikasının Ədliyyə Nazirliyi

“Azfert” MMC-nin səlahiyyətli nümayəndəsi Gündüz İsmayılovun sahibkarlıq fəaliyyəti ilə bağlı məhkəmə qərarının icra olunmamasına dair şikayətinə Ədliyyə Nazirliyinin Apellyasiya Şurasının 11 dekabr 2024-cü il tarixli iclasında baxılıb. İclasda Apellyasiya Şurası tərəfindən müraciət üzrə bütün dəlillər ətraflı müzakirə edilib və “Mərkəzi icra hakimiyyəti orqanlarının Apellyasiya Şuraları haqqında Nümunəvi Əsasnamə”nin 7.4.1-ci yarımbəndi rəhbər tutularaq, şikayətin təmin edilməsi barədə qərar qəbul olunub.

Vətəndaşlar Günel Rzaxanovanın Bakı Hərbi, Zəhra Məmmədovanın və İlkin Seyidlinin Bakı şəhəri Səbail Rayon, Fuad Allahverdiyevin Bakı Apellyasiya və Ramal Məstiyevin Bakı şəhəri Nizami Rayon məhkəmələrinin aparatlarında dövlət qulluğu vəzifələrinin tutulması məqsədi ilə keçirilmiş müsahibələrin nəticəsindən verdikləri şikayətlərə onların iştirakı ilə Ədliyyə Nazirliyinin Apellyasiya Şurasının 28.11.2024-cü il tarixli iclasında baxılıb. İclasda şikayətçilərin müraciətləri ilə bağlı toplanmış dəlillər aidiyyəti şəxslərlə onlayn qaydada müzakirə edilib və “Mərkəzi icra hakimiyyəti orqanlarının Apellyasiya Şuraları haqqında Nümunəvi Əsasnamə”nin 7.3.2-ci yarımbəndinə əsasən müsahibə komissiyalarının 07.08, 23.08, 23.08, 26.08 və 18.09.2024-cü il tarixli qərarları ləğv edilərək, namizədlərlə yeni müsahibənin keçirilməsi barədə qərar qəbul olunub.

Vətəndaş Səbinə Bağırovanın Xızı Rayon Məhkəməsinin aparatında dövlət qulluğu vəzifəsinin tutulması məqsədi ilə keçirilmiş müsahibənin nəticəsindən verdiyi şikayətə onun iştirakı ilə Ədliyyə Nazirliyinin Apellyasiya Şurasının 05.04.2024-cü il tarixli iclasında baxılıb. İclasda şikayətçi S.Bağırovanın müraciəti ilə bağlı toplanmış dəlillər aidiyyəti şəxslərlə onlayn qaydada müzakirə edilib və “Mərkəzi icra hakimiyyəti orqanlarının Apellyasiya Şuraları haqqında Nümunəvi Əsasnamə”nin 7.3.1-ci yarımbəndinə əsasən müsahibə komissiyasının 18.01.2024-cü il tarixli qərarı dəyişdirilmədən saxlanılıb.

Vətəndaş Fərid Sadıqlının Abşeron Rayon Məhkəməsinin aparatında dövlət qulluğu vəzifələsinin tutulması məqsədi ilə keçirilmiş müsahibənin nəticəsindən verdiyi şikayətə onun iştirakı ilə Ədliyyə Nazirliyinin Apellyasiya Şurasının 02.11.2023-cü il tarixli iclasında baxılıb. İclasda şikayətçinin müraciəti ilə bağlı toplanmış dəlillər aidiyyəti şəxslərlə onlayn qaydada müzakirə edilib və “Mərkəzi icra hakimiyyəti orqanlarının Apellyasiya Şuraları haqqında Nümunəvi Əsasnamə”nin 7.3.2-ci yarımbəndinə əsasən müsahibə komissiyasının 14.08.2023-cü il tarixli qərarı ləğv edilərək, namizədlə yeni müsahibənin keçirilməsi barədə qərar qəbul olunub.

Vətəndaşlar Rüstəm Oruclunun Şabran Rayon, Murad Mirzəzadənin Bakı Apellyasiya, Elnur Əhmədzadənin isə Bakı şəhəri Suraxanı Rayon məhkəmələrinin aparatlarında dövlət qulluğu vəzifələrinin tutulması məqsədi ilə keçirilmiş müsahibələrin nəticəsindən verdikləri şikayətlərə onların iştirakı ilə Ədliyyə Nazirliyinin Apellyasiya Şurasının 26.09.2023-cü il tarixli iclasında baxılıb. İclasda şikayətçilərin müraciətləri ilə bağlı toplanmış dəlillər aidiyyəti şəxslərlə onlayn qaydada müzakirə edilib və “Mərkəzi icra hakimiyyəti orqanlarının Apellyasiya Şuraları haqqında Nümunəvi Əsasnamə”nin 7.3.2-ci yarımbəndinə əsasən müsahibə komissiyalarının 24.06, 04.07 və 24.07.2023-cü il tarixli qərarları ləğv edilərək, namizədlərlə yeni müsahibənin keçirilməsi barədə qərar qəbul olunub.

Vətəndaş Göyçək Əliyevanın Nizami Rayon Məhkəməsinin aparatında dövlət qulluğu vəzifəsinin tutulması məqsədi ilə keçirilmiş müsahibənin nəticəsindən verdiyi şikayətə onun iştirakı ilə Ədliyyə Nazirliyinin Apellyasiya Şurasının 19.05.2023-cü il tarixli iclasında baxılıb. İclasda şikayətçinin müraciəti ilə bağlı toplanmış dəlillər aidiyyəti şəxslərin iştirakı ilə müzakirə edilib və “Mərkəzi icra hakimiyyəti orqanlarının Apellyasiya Şuraları haqqında Nümunəvi Əsasnamə”nin 7.3.2-ci yarımbəndinə əsasən müsahibə komissiyasının 01 mart 2023-cü il tarixli qərarı ləğv edilərək, namizədlə yeni müsahibənin keçirilməsi barədə qərar qəbul olunub.

Vətəndaşlar Ənəs Məmmədli və Salman Zeynalovun Biləsuvar, Ürfan Məmmədzadənin isə Qax Rayon məhkəmələrinin aparatlarında dövlət qulluğu vəzifələrinin tutulması məqsədi ilə keçirilmiş müsahibələrin nəticəsindən verdikləri şikayətlərə onların iştirakı ilə Ədliyyə Nazirliyinin Apellyasiya Şurasının 26.04.2023-cü il tarixli iclasında baxılıb. İclasda şikayətçilərin müraciətləri ilə bağlı toplanmış dəlillər aidiyyəti şəxslərin iştirakı ilə onlayn qaydada müzakirə edilib və “Mərkəzi icra hakimiyyəti orqanlarının Apellyasiya Şuraları haqqında Nümunəvi Əsasnamə”nin 7.3.2-ci yarımbəndinə əsasən müsahibə komissiyalarının 01, 03 və 08 fevral 2023-cü il tarixli qərarları ləğv edilərək, namizədlərlə yeni müsahibənin keçirilməsi barədə qərar qəbul olunub.

Vətəndaş Nərmin Bayramovanın və Ceyhun Mikayılovun Xətai Rayon və Bakı Apellyasiya məhkəmələrinin aparatında dövlət qulluğu vəzifəsinin tutulması məqsədi ilə keçirilmiş müsahibələrin nəticəsindən verdikləri şikayətlərə onların iştirakı ilə Ədliyyə Nazirliyinin Apellyasiya Şurasının 14.03.2023-cü il tarixli iclasında baxılıb. İclasda şikayətçilərdən N.Bayramovanın müraciəti ilə bağlı toplanmış dəlillər aidiyyəti şəxslərlə onlayn qaydada müzakirə edilib və “Mərkəzi icra hakimiyyəti orqanlarının Apellyasiya Şuraları haqqında Nümunəvi Əsasnamə”nin 7.3.2-ci yarımbəndinə əsasən müsahibə komissiyasının 25.11.2022-ci il tarixli qərarı ləğv edilərək, namizədlə yeni müsahibənin keçirilməsi barədə qərar qəbul olunub. Digər şikayətçi C.Mikayılovun müraciəti ilə bağlı toplanmış dəlillər aidiyyəti şəxslərlə onlayn qaydada müzakirə edilib və “Mərkəzi icra hakimiyyəti orqanlarının Apellyasiya Şuraları haqqında Nümunəvi Əsasnamə”nin 7.3.1-ci yarımbəndinə əsasən müsahibə komissiyasının 20.12.2022-ci il tarixli qərarı dəyişdirilmədən saxlanılıb.

Vətəndaşlar Şəfəq Əsgərovanın və Nicat Hüseynovun Qobustan Rayon və Ucar Rayon məhkəmələrinin aparatında dövlət qulluğu vəzifələrinin tutulması məqsədi ilə keçirilmiş müsahibələrin nəticəsindən verdikləri şikayətlərə onların iştirakı ilə Ədliyyə Nazirliyinin Apellyasiya Şurasının 21.12.2022-ci il tarixli iclasında baxılıb. İclasda şikayətçilərin müraciətləri ilə bağlı toplanmış dəlillər aidiyyəti şəxslərlə onlayn qaydada müzakirə edilib və “Mərkəzi icra hakimiyyəti orqanlarının Apellyasiya Şuraları haqqında Nümunəvi Əsasnamə”nin 7.3.2-ci yarımbəndinə əsasən müsahibə komissiyalarının 26.09 və 29.09.2022-ci il tarixli qərarları ləğv edilərək, namizədlərlə yeni müsahibənin keçirilməsi barədə qərar qəbul olunmuşdur.

Vətəndaşlar Aysel Məmmədovanın, Ürfan Məmmədzadənin və Ənəs Məmmədlinin Bakı şəhərinin Sabunçu, Nərimanov və Ucar Rayon məhkəmələrinin aparatında dövlət qulluğu vəzifələrinin tutulması məqsədi ilə keçirilmiş müsahibələrin nəticəsindən verdikləri şikayətlərə onların iştirakı ilə Ədliyyə Nazirliyinin Apellyasiya Şurasının 29.11.2022-ci il tarixli iclasında baxılıb. İclasda şikayətçilərin müraciətləri ilə bağlı toplanmış dəlillər aidiyyəti şəxslərlə onlayn qaydada müzakirə edilib və “Mərkəzi icra hakimiyyəti orqanlarının Apellyasiya Şuraları haqqında Nümunəvi Əsasnamə”nin 7.3.2-ci yarımbəndinə əsasən müsahibə komissiyalarının 30.08, 07.09 və 28.09.2022-ci il tarixli qərarları ləğv edilərək, namizədlərlə yeni müsahibənin keçirilməsi barədə qərar qəbul olunub.

Vətəndaş Esmira İsmayılovanın Bakı şəhəri Binəqədi Rayon Məhkəməsinin aparatında dövlət qulluğu vəzifəsinin tutulması məqsədi ilə keçirilmiş müsahibənin nəticəsindən verdiyi şikayətə onun iştirakı ilə Ədliyyə Nazirliyinin Apellyasiya Şurasının 31.08.2022-ci il tarixli iclasında baxılıb. İclasda şikayətçinin müraciəti ilə bağlı toplanmış dəlillər aidiyyəti şəxslərlə onlayn qaydada müzakirə edilib və “Mərkəzi icra hakimiyyəti orqanlarının Apellyasiya Şuraları haqqında Nümunəvi Əsasnamə”nin 7.3.2-ci yarımbəndinə əsasən müsahibə komissiyasının 06.07.2022-ci il tarixli qərarı ləğv edilərək, namizədlə yeni müsahibənin keçirilməsi barədə qərar qəbul olunub.

Vətəndaş Dinarə Mustafayevanın Şəmkir Rayon Məhkəməsinin aparatında dövlət qulluğu vəzifəsinin tutulması məqsədi ilə keçirilmiş müsahibənin nəticəsindən verdiyi şikayətə onun iştirakı ilə Ədliyyə Nazirliyinin Apellyasiya Şurasının 05.07.2022-ci il tarixli iclasında baxılıb. İclasda şikayətçinin müraciəti ilə bağlı toplanmış dəlillər aidiyyəti şəxslərlə onlayn qaydada müzakirə edilib və “Mərkəzi icra hakimiyyəti orqanlarının Apellyasiya Şuraları haqqında Nümunəvi Əsasnamə”nin 7.3.2-ci yarımbəndinə əsasən müsahibə komissiyasının 28.04.2022-ci il tarixli qərarı ləğv edilərək, namizədlə yeni müsahibənin keçirilməsi barədə qərar qəbul olunub.

Vətəndaş Dədəkişi Vəlizadənin Yasamal və İmişli Rayon məhkəmələrinin aparatında dövlət qulluğu vəzifələrinin tutulması məqsədi ilə keçirilmiş müsahibələrin nəticəsindən verdiyi şikayətlərə Ədliyyə Nazirliyinin Apellyasiya Şurasının 01.06.2022-ci il tarixli iclasında baxılıb. İclasda şikayətçinin müraciətləri ilə bağlı toplanmış dəlillər aidiyyəti şəxslərlə onlayn qaydada müzakirə edilib və “Mərkəzi icra hakimiyyəti orqanlarının Apellyasiya Şuraları haqqında Nümunəvi Əsasnamə”nin 7.3.2-ci yarımbəndinə əsasən müsahibə komissiyalarının 18.02 və 14.03. 2022-ci il tarixli qərarları ləğv edilərək, namizədlə yeni müsahibələrin keçirilməsi barədə qərarlar qəbul olunub.

Vətəndaşlar Turab İsgəndərov və Nəsir Nəsirlinin Sumqayıt Apellyasiya və Sumqayıt Ağır Cinayətlər məhkəmələrinin aparatında dövlət qulluğu vəzifələrinin tutulması məqsədi ilə keçirilmiş müsahibələrin nəticəsindən verdikləri şikayətlərə onların iştirakı ilə Ədliyyə Nazirliyinin Apellyasiya Şurasının 14.04.2022-ci il tarixli iclasında baxılıb. İclasda şikayətçilərin müraciətləri ilə bağlı toplanmış dəlillər aidiyyəti şəxslərlə onlayn qaydada müzakirə edilib və “Mərkəzi icra hakimiyyəti orqanlarının Apellyasiya Şuraları haqqında Nümunəvi Əsasnamə”nin 7.3.2-ci yarımbəndinə əsasən müsahibə komissiyalarının 20.12 və 28.12. 2021-ci il tarixli qərarları ləğv edilərək, namizədlərlə yeni müsahibənin keçirilməsi barədə qərar qəbul olunub.

Vətəndaşlar Əzizxan Əzizov və Şəkər Əhmədlinin müvafiq olaraq Bakı Apellyasiya Məhkəməsinin və Sumqayıt Şəhər Məhkəməsinin aparatında dövlət qulluğu vəzifələrinin tutulması məqsədi ilə keçirilmiş müsahibələrin nəticəsindən verdikləri şikayətlərə onların iştirakı ilə Ədliyyə Nazirliyinin Apellyasiya Şurasının 30.09.2021-ci il tarixli iclasında baxılıb. İclasda şikayətçilərin müraciətləri ilə bağlı toplanmış dəlillər aidiyyəti şəxslərlə onlayn qaydada müzakirə edilib və “Mərkəzi icra hakimiyyəti orqanlarının Apellyasiya Şuraları haqqında Nümunəvi Əsasnamə”nin 7.3.2-ci yarımbəndinə əsasən müsahibə komissiyalarının 07.07 və 23.07.2021-ci il tarixli qərarları ləğv edilərək, namizədlərlə yeni müsahibənin keçirilməsi barədə qərar qəbul olunub.

Vətəndaşlar Pünhan Quliyev, Nuranə Qurbanova, Səidə Yunuslu, Abbas Məcidov və Aydan Məmmədovanın müvafiq olaraq Bakı Ağır Cinayətlər, Xətai və Suraxanı Rayon məhkəmələrinin və Bakı Kommersiya Məhkəməsinin aparatında dövlət qulluğu vəzifələrinin tutulması məqsədi ilə keçirilmiş müsahibələrin nəticəsindən verdikləri şikayətlərə onların iştirakı ilə Ədliyyə Nazirliyinin Apellyasiya Şurasının 25.06.2021-ci il tarixli iclasında baxılıb. İclasda şikayətçilərin müraciətləri ilə bağlı toplanmış dəlillər aidiyyəti şəxslərlə onlayn qaydada müzakirə edilib və “Mərkəzi icra hakimiyyəti orqanlarının Apellyasiya Şuraları haqqında Nümunəvi Əsasnamə”nin 7.3.2-ci yarımbəndinə əsasən müsahibə komissiyalarının 17.02, 05.03, 11.03, 16.03 və 25.05.2021-ci il tarixli qərarları ləğv edilərək, namizədlərlə yeni müsahibənin keçirilməsi barədə qərar qəbul olunub.

Vətəndaşlar Hüseyn Mirzəyev, Rizvan Abişov və Naib Əsədovun Masallı və Yardımlı Rayon Məhkəmələrinin və Sumqayıt Şəhər Məhkəməsinin aparatında dövlət qulluğu vəzifələrinin tutulması məqsədi ilə keçirilmiş müsahibələrin nəticəsindən verdikləri şikayətlərə onların iştirakı ilə Ədliyyə Nazirliyinin Apellyasiya Şurasının 21.05.2021-ci il tarixli iclasında baxılıb. İclasda şikayətçilərin müraciətləri ilə bağlı toplanmış dəlillər aidiyyəti şəxslərlə onlayn qaydada müzakirə edilib və “Mərkəzi icra hakimiyyəti orqanlarının Apellyasiya Şuraları haqqında Nümunəvi Əsasnamə”nin 7.3.2-ci yarımbəndinə əsasən müsahibə komissiyalarının 18.09, 14.09, 18.09 və 17.08 2020-ci il tarixli qərarları ləğv edilərək, namizədlərlə yeni müsahibənin keçirilməsi barədə qərar qəbul olunub.

Vətəndaşlar Şəlalə Mirzəyeva və Rəsul Məmmədovun Bakı Apellyasiya Məhkəməsinin və Sumqayıt İnzibati Məhkəməsinin aparatında dövlət qulluğu vəzifələrinin tutulması məqsədi ilə keçirilmiş müsahibələrin nəticəsindən verdikləri şikayətlərə onların iştirakı ilə Ədliyyə Nazirliyinin Apellyasiya Şurasının 17.03.2021-ci il tarixli iclasında baxılıb. İclasda şikayətçilərin müraciətləri ilə bağlı toplanmış dəlillər aidiyyəti şəxslərlə onlayn qaydada müzakirə edilib və “Mərkəzi icra hakimiyyəti orqanlarının Apellyasiya Şuraları haqqında Nümunəvi Əsasnamə”nin 7.3.2-ci yarımbəndinə əsasən müsahibə komissiyalarının 17,18 və 24 dekabr 2020-ci il tarixli qərarları ləğv edilərək, namizədlərlə yeni müsahibənin keçirilməsi barədə qərar qəbul olunub.

Vətəndaş Kamran Əlizadənin Şəki Apellyasiya Məhkəməsinin aparatında dövlət qulluğu vəzifəsinin tutulması məqsədi ilə keçirilmiş müsahibənin nəticəsindən verdiyi şikayətə onun iştirakı ilə Ədliyyə Nazirliyinin Apellyasiya Şurasının 11.03.2020-ci il tarixli iclasında baxılıb. Vətəndaş cəmiyyətinin təmsilçisinin də dəvət olunduğu iclasda şikayətçinin müraciəti ilə bağlı toplanmış dəlillər aidiyyəti şəxslərin iştirakı ilə müzakirə edilib və “Mərkəzi icra hakimiyyəti orqanlarının Apellyasiya Şuraları haqqında Nümunəvi Əsasnamə”nin 7.3.2-ci yarımbəndinə əsasən müsahibə komissiyasının 13 yanvar 2020-ci il tarixli qərarı ləğv edilərək, namizədlə yeni müsahibənin keçirilməsi barədə qərar qəbul olunub.

Vətəndaşlar İlkanə Seyidməmmədova və Vüsal Abdullayevin Bakı şəhəri Xəzər Rayon Məhkəməsinin aparatında dövlət qulluğu vəzifəsinin tutulması məqsədi ilə keçirilmiş müsahibələrin nəticəsindən verdikləri şikayətlərə onların iştirakı ilə Ədliyyə Nazirliyinin Apellyasiya Şurasının 02.03.2020-ci il tarixli iclasında baxılmışdır. İclasda şikayətçilərin müraciətləri ilə bağlı toplanmış dəlillər aidiyyəti şəxslərin iştirakı ilə müzakirə edilib və “Mərkəzi icra hakimiyyəti orqanlarının Apellyasiya Şuraları haqqında Nümunəvi Əsasnamə”yə uyğun olaraq müsahibə komissiyalarının 28 və 29 yanvar 2020-ci il tarixli qərarları ləğv edilərək, namizədlərlə yeni müsahibənin keçirilməsi barədə qərar qəbul olunub.

Vətəndaş Aynurə Ağayevanın Bakı şəhəri Yasamal Rayon və Mingəçevir Şəhər Məhkəmələrinin aparatında dövlət qulluğu vəzifəsinin tutulması məqsədi ilə keçirilmiş müsahibələrin nəticəsindən verdiyi şikayətlərə onun iştirakı ilə Ədliyyə Nazirliyinin Apellyasiya Şurasının 26.11.2019-cu il tarixli iclasında baxılmışdır. İclasda A.Ağayevanın müraciətləri ilə bağlı toplanmış dəlillər aidiyyəti şəxslərin iştirakı ilə müzakirə edilib və “Mərkəzi icra hakimiyyəti orqanlarının Apellyasiya Şuraları haqqında Nümunəvi Əsasnamə”nin 7.3.2-ci yarımbəndinə əsasən müvafiq müsahibə komissiyalarının 22 oktyabr və 6 noyabr 2019-cu il tarixli qərarları ləğv edilərək, onunla yeni müsahibənin keçirilməsi barədə qərar qəbul olunub.

Vətəndaş Sadiq Həmidovun Sumqayıt Apellyasiya Məhkəməsinin aparatında dövlət qulluğu vəzifəsinin tutulması məqsədi ilə keçirilmiş müsahibənin nəticəsindən verdiyi şikayətə onun iştirakı ilə Ədliyyə Nazirliyinin Apellyasiya Şurasının 15.08.2019-cu il tarixli iclasında baxılmışdır. Vətəndaş cəmiyyətinin təmsilçisinin də dəvət olunduğu iclasda S.Həmidovun müraciəti üzrə ətraflı müzakirə aparılıb və "Mərkəzi icra hakimiyyəti orqanlarının Apellyasiya Şuraları haqqında Nümunəvi Əsasnamə”nin 7.3.2 və 7.4.1-ci yarımbəndləri rəhbər tutularaq şikayət təmin edilmiş, müsahibə komissiyasının 04.07.2019-cu il tarixli qərarı ləğv olunmuş və onunla yeni müsahibənin keçirilməsi barədə qərar qəbul olunub.

Vətəndaş Ülkər Zeyniyevanın Binəqədi Rayon Məhkəməsinin aparatında dövlət qulluğu vəzifəsinin tutulması məqsədi ilə keçirilmiş müsahibənin nəticələrindən verdiyi şikayətə onun iştirakı ilə Ədliyyə Nazirliyinin Apellyasiya Şurasının 15.02.2019-cu il tarixli iclasında baxılıb. İclasda Ü.Zeyniyevanın müraciəti üzrə ətraflı müzakirə aparılıb və "Mərkəzi icra hakimiyyəti orqanlarının Apellyasiya Şuraları haqqında Nümunəvi Əsasnamə”nin 7.3.2 və 7.4.1-ci yarımbəndləri rəhbər tutularaq şikayət təmin edilmiş, müsahibə komissiyasının 14.01.2019-cu il tarixli qərarı ləğv olunmuş və onunla yeni müsahibənin keçirilməsi barədə qərar qəbul olunub. Qərar icra edilməsi üçün müsahibəni təşkil edən quruma göndərilib.

Vətəndaş Məhəmmədəli Əsgərovun Abşeron Rayon Məhkəməsinin aparatında dövlət qulluğu vəzifəsinin tutulması məqsədi ilə keçirilmiş müsahibənin nəticələrindən verdiyi şikayətə onun iştirakı ilə Ədliyyə Nazirliyinin Apellyasiya Şurasının 11.01.2019-cu il tarixli iclasında baxılıb. Qeyri-hökumət təşkilatının nümayəndəsinin də dəvət olunduğu iclasda M.Əsgərovun müraciəti üzrə ətraflı müzakirə aparılıb və "Mərkəzi icra hakimiyyəti orqanlarının Apellyasiya Şuraları haqqında Nümunəvi Əsasnamə”nin 7.3.2 və 7.4.1-ci yarımbəndləri rəhbər tutularaq şikayət təmin edilmiş, müsahibə komissiyasının 11.12.2018-ci il tarixli qərarı ləğv olunmuş və onunla yeni müsahibənin keçirilməsi barədə qərar qəbul olunub. Qərar icra edilməsi üçün müsahibəni təşkil edən quruma göndərilib.

Vətəndaş Faiq Tağıyevin direktoru olduğu “Zaur” firmasının sahibkarlıq fəaliyyəti ilə bağlı məhkəmə qərarının icra olunmamasına dair şikayətinə Ədliyyə Nazirliyinin Apellyasiya Şurasının 08 noyabr 2018-ci il tarixli iclasında baxılıb. Qeyri-hökumət təşkilatı nümayəndəsinin də dəvət olunduğu iclasda Apellyasiya Şurası tərəfindən müraciət üzrə bütün dəlillər ətraflı müzakirə edilmiş və “Mərkəzi icra hakimiyyəti orqanlarının Apellyasiya Şuraları haqqında Nümunəvi Əsasnamə”nin 7.4.1-ci yarımbəndi rəhbər tutularaq şikayətin təmin edilməsi barədə qərar qəbul olunub. Pul tələbi ilə bağlı müvafiq məhkəmə qərarının icrasının təmin olunmasının təşkili üzrə nazirliyin İcra baş idarəsinə müvafiq göstəriş verilib, həmçinin fəaliyyətində nöqsanlara yol vermiş işçilərin intizam məsuliyyətinə cəlb edilməsi barədə məsələ qaldırılıb.

Vətəndaş Vüqar Şahbazovun Astara Rayon Məhkəməsinin aparatında dövlət qulluğu vəzifəsinin tutulması məqsədi ilə keçirilmiş müsahibənin nəticəsindən verdiyi şikayətə onun iştirakı ilə Ədliyyə Nazirliyinin Apellyasiya Şurasının 27.09.2018-ci il tarixli iclasında baxılıb. Qeyri-hökumət təşkilatının nümayəndəsinin də dəvət olunduğu iclasda V.Şahbazovun müraciəti üzrə toplanmış materiallar ətraflı müzakirə olunub və "Mərkəzi icra hakimiyyəti orqanlarının Apellyasiya Şuraları haqqında Nümunəvi Əsasnamə”nin 7.3.2 və 7.4.1-ci yarımbəndləri rəhbər tutularaq şikayət təmin edilməklə, müsahibə komissiyasının 27.08.2018-ci il tarixli qərarının ləğv edilməsi və onunla yeni müsahibənin keçirilməsi barədə qərar qəbul olunub.

Vətəndaş Əsgər Abbaslının Bakı Apellyasiya Məhkəməsinin aparatında dövlət qulluğu vəzifəsinin tutulması məqsədi ilə keçirilmiş müsahibənin nəticələrindən verdiyi şikayətə onun iştirakı ilə Ədliyyə Nazirliyinin Apellyasiya Şurasının 12.04.2018-ci il tarixli iclasında baxılıb. Qeyri-hökumət təşkilatının nümayəndəsinin də dəvət olunduğu iclasda Ə.Abbaslının müraciəti üzrə ətraflı müzakirə aparılıb və "Mərkəzi icra hakimiyyəti orqanlarının Apellyasiya Şuraları haqqında Nümunəvi Əsasnamə”nin 7.3.2 və 7.4.2-ci yarımbəndləri rəhbər tutularaq şikayətin qismən təmin edilməklə, müsahibə komissiyasının 28.02.2018-ci il tarixli qərarının ləğv edilməsi və onunla yeni müsahibənin keçirilməsi barədə qərar qəbul olunub. Qərar icra edilməsi üçün müsahibəni təşkil edən quruma göndərilib. İclasda həmçinin ölkə Prezidentinin 2018-ci il 5 aprel tarixli Fərmanı ilə yeni redaksiyada verilmiş “Mərkəzi icra hakimiyyəti orqanlarının Apellyasiya Şuraları haqqında Nümunəvi Əsasnamə”dən irəli gələn məsələlər geniş müzakirə edilib.

Vətəndaş Telman Həsrətovun sahibkarlıq fəaliyyəti ilə bağlı məhkəmə qərarının icra olunmamasına dair təkrar şikayətinə onun iştirakı ilə Ədliyyə Nazirliyinin Apellyasiya Şurasının 7 dekabr 2017-ci il tarixli iclasında baxılıb və “Mərkəzi icra hakimiyyəti orqanlarının Apellyasiya Şuraları haqqında Nümunəvi Əsasnamə”nin 7.3.1-ci yarımbəndi rəhbər tutularaq şikayətin təmin edilməsi barədə qərar qəbul olunub. Pul tələbi ilə əlaqədar müvafiq məhkəmə qətnaməsinin icrasının təmin olunmasına dair nazirliyin İcra baş idarəsinə göstəriş verilib, həmçinin fəaliyyətində nöqsanlara yol vermiş işçilərin intizam məsuliyyətinə cəlb edilməsi barədə məsələ qaldırılıb.

Vətəndaş Ramiz Əskərovun sahibkarlıq fəaliyyəti ilə bağlı məhkəmə qərarının icra olunmamasına dair təkrar şikayətinə onun iştirakı ilə Ədliyyə Nazirliyinin Apellyasiya Şurasının 6 noyabr 2017-ci il tarixli iclasında baxılıb. Qeyri-hökumət təşkilatları nümayəndələrinin də dəvət olunduğu iclasda Apellyasiya Şurası tərəfindən R.Əskərovun müraciəti üzrə bütün dəlillər ətraflı müzakirə edilib və “Mərkəzi icra hakimiyyəti orqanlarının Apellyasiya Şuraları haqqında Nümunəvi Əsasnamə”nin 7.3.1-ci bəndi rəhbər tutularaq şikayətin təmin edilməsi barədə qərar qəbul olunub. Sumqayıt Şəhər İcra Hakimiyyətinin Memarlıq və Şəhərsalma İdarəsi tərəfindən müvafiq tikilinin layihəsinin təsdiq edilməsi ilə əlaqədar məhkəmə qətnaməsinin icrasının təmin olunmasına dair nazirliyin İcra baş idarəsinə göstəriş verilib, həmçinin fəaliyyətində nöqsanlara yol vermiş icra xidmətinin əməkdaşlarının intizam məsuliyyətinə cəlb edilməsi barədə məsələ qaldırılıb.

"Maersk Drilling Services" məhdud məsuliyyətli cəmiyyətin Bakı şəhəri Nəsimi rayon icra şöbəsinin əməkdaşları tərəfindən borclu tərəf olduğu məhkəmə qərarının icrası zamanı qanunsuz hərəkətlərə yol verilməsi barədə təkrar şikayəti üzrə toplanmış materiallar Ədliyyə Nazirliyinin Apellyasiya Şurasının 7 dekabr 2016-cı il tarixli iclasında müzakirə olunub. Həmin icra işi ilə bağlı məhdud məsuliyyətli cəmiyyətin şikayətinin hazırda 1 saylı Bakı İnzibati-İqtisadi Məhkəməsinin icraatında olması nəzərə alınaraq "İnzibati icraat haqqında" Qanunun 72.2-ci maddəsinə əsasən Apellyasiya Şurasında şikayət üzrə başlanılmış icraata xitam verilməsi barədə qərar qəbul edilib.

Vətəndaş Sabir Məmmədovun sahibkarlıq fəaliyyəti ilə bağlı məhkəmə qərarının uzun müddət icra olunmamasına dair təkrar şikayətinə səlahiyyətli nümayəndəsinin iştirakı ilə Ədliyyə Nazirliyinin Apellyasiya Şurasının 31 avqust 2016-cı il tarixli iclasında baxılıb. Qeyri-hökumət təşkilatları nümayəndələrinin də dəvət olunduğu iclasda Apellyasiya Şurası tərəfindən S.Məmmədovun müraciəti üzrə bütün dəlillər ətraflı müzakirə edilib və "Mərkəzi icra hakimiyyəti orqanlarının Apellyasiya Şuraları haqqında Nümunəvi Əsasnamə"nin 7.3.1-ci bəndi rəhbər tutularaq şikayətin təmin edilməsi barədə qərar qəbul olunub. Əmlak tələbi ilə əlaqədar müvafiq məhkəmə qətnaməsinin qısa müddətdə icrasının təmin olunması ilə bağlı nazirliyin İcra baş idarəsinə göstəriş verilib, həmçinin fəaliyyətində nöqsanlara yol vermiş Bərdə rayon icra şöbəsinin və icra xidmətinin digər əməkdaşlarının intizam məsuliyyətinə cəlb edilməsi barədə məsələ qaldırılıb. Şuranın iclasında, həmçinin sahibkar İsmayıl Aydəmirovun pul tələbinə dair məhkəmə qətnaməsinin icra olunmaması ilə bağlı təkrar şikayəti üzrə araşdırmanın nəticələri müzakirə olunub. Yasamal rayon icra şöbəsində həmin icra işi üzrə hərəkətsizliyə yol verilməsi ilə əlaqədar İ.Aydəmirovun şikayətinin hazırda məhkəmə icraatında olması nəzərə alınaraq "İnzibati icraat haqqında" Qanunun 72.2-ci maddəsinə əsasən Apellyasiya Şurasında icraata xitam verilməsi barədə qərar qəbul edilib.

Vətəndaş Namiq Şavruqovun sahibkarlıq fəaliyyəti ilə bağlı məhkəmə qərarının uzun müddət icra olunmamasına dair təkrar şikayətinə onun iştirakı ilə Ədliyyə Nazirliyinin Apellyasiya Şurasının 8 iyul 2016-cı il tarixli iclasında baxılmışdır. Qeyri-hökumət təşkilatları nümayəndələrinin də dəvət olunduğu iclasda Apellyasiya Şurası tərəfindən N.Şavruqovun müraciəti üzrə bütün dəlillər ətraflı müzakirə edilmiş və "Mərkəzi icra hakimiyyəti orqanlarının Apellyasiya Şuraları haqqında Nümunəvi Əsasnamə"nin 7.3.1-ci bəndi rəhbər tutularaq şikayətin təmin edilməsi barədə qərar qəbul olunmuşdur. Əmlak Məsələləri Dövlət Komitəsi tərəfindən şikayətçiyə icarə hüququ əsasında qeyri-yaşayış sahəsinin ayrılması ilə əlaqədar məhkəmə qətnaməsinin qısa müddətdə icrasının təmin olunması ilə bağlı nazirliyin İcra baş idarəsinə göstəriş verilmiş, həmçinin fəaliyyətində nöqsanlara yol vermiş icra xidmətinin əməkdaşlarının intizam məsuliyyətinə cəlb edilməsi barədə məsələ qaldırılmışdır.

Apellyasiya Şurası

Əlaqə məlumatları:

Məlumatlar