Arbitraj təşkilatı haqqında ümumi məlumat: 

Arbitraj mübahisələrin məhkəmədən kənar həll üsullarından biridir. Mübahisələrin alternativ həlli dedikdə, tərəflərin mübahisəni dövlət məhkəməsində baxılmadan, yaxud məhkəməyə alternativ olaraq həll etmək üçün istifadə etdikləri üsullar (arbitraj, mediasiya, danışıqlar, barışıq və s.) başa düşülür.

Arbitraj bu üsullar arasında ən rəsmiləşmiş mexanizmdir: mübahisəni tərəflərin razılığı ilə seçilmiş bitərəf arbitr və ya arbitraj tribunalı həll edir, qəbul olunan qərar isə tərəflər üçün məcburi hüquqi qüvvəyə malikdir. Mediasiya və danışıqlardan fərqli olaraq, arbitrajda nəticə tərəflərin sonrakı razılığından asılı deyil.