Ədliyyə Nazirliyi tərəfindən təhsil, elmi-tədqiqat fəaliyyəti üzrə:
- ədliyyə, prokurorluq və məhkəmə orqanları, vəkillik fəaliyyəti üçün ixtisaslı kadrlar hazırlanır;
- ali hüquq təhsili olmayan ədliyyə işçilərinin hüquqi hazırlığı təmin edilir;
- ədliyyə və məhkəmə orqanlarının, vəkilliyin inkişafı naminə konseptual problemlər tədqiq edilir;
- hüquq elminin müxtəlif sahələri üzrə fundamental, eksperimental və tətbiqi elmi araşdırmalar aparılır;
- ədliyyə işçilərinin, vəkillərin əlavə təhsili, eləcə də müxtəlif sahələrdə çalışan işçilərin hüquq peşəsi üzrə əlavə təhsili təşkil edilir;
- ilk dəfə ədliyyə orqanlarına qulluğa qəbul edilən namizədlərin, habelə vəkilliyə namizədlərin icbari təlimi, ilk dəfə hakim təyin olunmuş şəxslərin təlimi və hakimlərin davamlı tədrisi aparılır.
Yuxarıda qeyd olunan fəaliyyətlər Ədliyyə Nazirliyinin Ədliyyə Akademiyası tərəfindən həyata keçirilir.
