Əhalini hüquqi aktlar barədə məlumatlandırmaq, onların mətni ilə rahat tanış olmaq və onları asanlıqla əldə etmək məqsədilə Ədliyyə Nazirliyi tərəfindən 2006-cı ildə Hüquqi aktların vahid elektron bazası olan “www.e-qanun.az” saytı istifadəyə verilib. Hüquqi aktların vahid elektron bazasına hüquqi aktlarla (normativ hüquqi aktlar, normativ xarakterli aktlar, qeyri-normativ hüquqi aktlar) yanaşı, Ali Məhkəmənin, İnsan Hüquqları üzrə Avropa Məhkəməsinin, Tarif Şurasının qərarları, habelə BMT-nin Təhlükəsizlik Şurasının bəzi qərarları da yerləşdirilir.